നേരത്തെ കേസിലെ എഫ്ഐആറും രേഖകളും നൽകണമെന്ന് ആവശ്യപ്പെട്ട് ഇഡി റാന്നി മജിസ്ട്രേറ്റ് കോടതിയെ സമീപിച്ചിരുന്നു. എന്നാൽ ഹൈക്കോടതി മേൽനോട്ടത്തിലാണ് അന്വേഷണം നടക്കുന്നതെന്നും, രേഖകൾ കൈമാറാനാകില്ലെന്നും വ്യക്തമാക്കി കോടതി ആവശ്യം തള്ളിയിരുന്നു. തുടർന്ന് ഹൈക്കോടതിയെ സമീപിച്ചെങ്കിലും, കേസ് പരിഗണിക്കുന്ന കോടതിയെ സമീപിക്കാനായിരുന്നു നിർദേശം.
അതേസമയം, സ്വര്ണക്കൊള്ളയില് ഇഡി അന്വേഷണത്തെ സംസ്ഥാന സര്ക്കാര് കോടതിയില് എതിർത്തു. നിലവിൽ എസ്ഐടിയുടെ അന്വേഷണം പുരോഗമിക്കുകയാണ്. കേരള ഹൈക്കോടതിയുടെ മേൽനോട്ടത്തിലാണ് അന്വേഷണം പുരോഗമിക്കുന്നത്. അതിനാൽ കേന്ദ്ര ഏജൻസി അന്വേഷിക്കേണ്ടതില്ലെന്നും സംസ്ഥാന സർക്കാർ വാദിച്ചു. എതിർപ്പ് രേഖാമൂലം അറിയിക്കാൻ കോടതി നിർദേശിച്ചു. ഹര്ജി ഈമാസം 10 ന് വീണ്ടും പരിഗണിക്കും.
Post a Comment